Լուկաշին: Նորություններ

http://www.youtube.com/watch?v=H1PLsmnZAtg

Լուկաշին համայնքի մանկապատանեկան խորհրդարանի ընտրությունները:

2013թ. ապրիլի 16-ին տեղի ունեցավ Հեյֆեր կազակերպության ԱՅՈ’ մանկապատանեկան ակումբի Լուկաշին համայնքի խորհրդարանի ընտրությունները: Սկզբում խոսեց ընտրական հանձնաժողովի նախագահը`Մերի Համբարձումյանը.

-Հարգելի մանկավարժներ, աշակերտներ և հյուրեր սկսում ենք ,,Պատանեկան խորհրդարան’’ խորագրի ներքո տեղի ունեցող միջոցառումների բացումը ընտրական հանձնաժողովի նիստի բացմամբ: Մեր դպրոցում գործում է ,,Հեյֆերի’’ 7 խմբակ: Ընտրական հանձնաժողովը կազմվել է յուրաքանչյուր խմբակից մի ներկայացուցչի ներգրավմամբ, հետևաբար այն բաղկացած է 7 անդամից, որոնցից մեկը այսինքն ես, խմբակի ղեկավարների որոշմամբ ընտրական հանձնաժողովի նախագահն եմ: Ընտրական հանձնաժողովը ստեղծվել է մի առաքելությամբ` կազմակերպել և անցկացնել մեր դպրոցի պատանեկան խորհրդարանի պատգամավորների ընտրությունը: Որոշվել է, որ մեր պատանեկան խորհրդարանը կազմված է լինելու 13

պատգամավորներից, որոնք ընտրվելու են համամասնական ընտրակարգով, ըստ կուսակցության ցուցակների: Կուսակցություններ են հանդիսանում խմբակները, հետևաբար խորհրդարանական ընտրությանը մասնակցում են 7 կուակցություններ, իրենց ներկայացրած ցուցակներով, յուրաքանչյուր կուսակցության համամասնական ցուցակում կան 5 անդամներ`ընտրողը պետք է ընտրի որևէ կուսկացության, ոչ թե ներկայացուցչի: Այդ 7 կուսակցություններն են`,,Առողջ Ապրելակերպ’’ կուսակցություն, ,,Բնապահպանություն’’ կուսակցություն, ,,Բիզնես’’ կուսակցություն, ,,Գյուղատնտեսություն’’ կուսակցություն, ,,Լրագրություն’’ կուսակցություն, ,,Տրամաբանություն’’ կուսակցություն, ,,Քաղաքացիական կրթություն’’ կուսակցություն”: Յուրաքանչյուր կուսակցության ցուցակը փակցված է ընտրության կատարման վայրում և ընտրողները կարող են ծանոթանալ դրանց, 7% ընդհանուր ձայների ստացումը հնարավորություն կտա տվյալ կուսակցությանը ապահովել առնվազն մեկ անդամի ներկայություն պատանեկան խորհրդարանում:

7%-ի շեմը չհաղթահարած կուսակցությունները դուրս կմնան խորհրդարանից: Հետընտրական ընթացքում մինչև խորհրդարանի անդրանիկ նիստի հրավիրումը, կուսակցությունների միջև հնարավոր են բանակցություններ հետագա գործակցություն, կուալիցիոն գործընկերության վերաբերյալ: Խորհրդարանի անդրանիկ նիստը մինչև խորհրդարանի նախագահի ընտրությունը կվարի ամենամեծ տարիք ունեցող պատգամավորը: Ընտրական հանձնաժողովը խորհրդարանի անդրանիկ նիստի ժամանակ կպատասխանի պատգամավորներին հետաքրքրող հարցերին ընտրությունների հետ կապված:

Հետո յուրաքանչյուր կուսակցության ներկայացուցիչ, ներկայացրեց իր կուսակցության ծրագիրը: Այդ ամենից հետո սկսվեց բուն ընտրությունը, որի ավարտից 20 րոպե անց հայտարարվեց ընտրության արդյունքները:

1. ,,Առողջ ապրելակերպ’’ կուսակցություն- 5 ձայն

2. ,,Բնապահպանություն’’ - 16 ձայն

3. ,,Բիզնես’’ - 8 ձայն

4. ,,Գյուղատնտեսություն’’ - 6 ձայն

5. ,,Լրագրություն’’ - 26 ձայն

6. ,,Տրամաբանություն’’ - 1 ձայն

7. ,,Քաղաքացիական կրթություն’’ - 7 ձայն

Ռեպորտաժը պատրաստեց`Վիկա Հարությունյանը 13տ.

ԱՅՈ’ ,,Լրագրող –զատիկ” խումբը մասնակցում էր

համահամայնքային քննարկմանը:

Դեկտեմբերի 8 2012թ. Լուկաշին գյուղում ՄԱԶԾ-ի աջակցությամբ անցկացվեց համահամայնքային քննարկում: Ներկա էր նաև Հայաստանում ՄԱԿ-ի զարգացման ծրագրի /ՄԱԶԾ/ մշտական ներկայացուցիչը` ժամանակավոր պաշտոնակատար Պատրիս Կոր Բիզոնը իր տիկնոջ հետ: Այնտեղ ներկա էին մենք` Հ.Մերին, Հ.Վիկտորյան, Գ.Սաթենիկը, Գ.Ռաֆիկը, Կ.Միշան, Զ.Տիգրանը,
Կ.Արթուրը:

Լուկաշին համայնքի 2013թ. բյուջեյում հնարավորություն է ստեղծվել հատկացնել շուրջ 5մլն. դրամ: Համայնքը պետք է քննարկեր և որոշեր, թե որտեղ օգտագործեր այդ գումարը:

Ներկայացված էր հինգ սցենար.

1.Համայնքի կենտրոնական փողոցների լուսավորության անցկացում:

Լուսավորության բացակայության պատձառով համայնքի կենտրոնը երեկոյան ժամերին խավարի մեջ է: Մութն ընկնելուն պես փողոցները դատարկվում են, և լսելի է միայն շների հաչոցը: Երեկոյան ժամերին դժվար է մարդկանց տեղաշարժը, հատկապես` կանանց և աղջիկների տեղաշարժը:

Համայնքի լուսավորության ծրագիրը նախատեսվում է սկսել կենտրոնական, առավել բանուկ և նախորդ տարիներին ասֆալտած Ա. Թամանյան, Հ. Ավետիսյան և Զորավար Անդրանիկ կենտրոնական փողոցներից: Այստեղ են գտնվում հանրային մի շարք կարևոր վարչական, կրթական, մշակութային և սոցիալական հաստատություններ, այդ թվում`գյուղապետարանը, փոստը, մանկապարտեզը, մշակույթի տունը, դպրոցը, խանութները և կրպակները: Այդ վերոհիշյալ գումարով կենտրոնական 3 փողոցների 1.5կմ երկարությամբ հատվածը լուսավորելու նպատակով նախատեսվում է փողոցների մեկ կողմում տեղադրել հիմնասյուներ, գնել լամպեր և անցկացնել էլեկտրական հաղորդալարեր:

Ծրագրի իրագործման արդյունքում.

*համայնքը կունենա բարեկարգ և լուսավոր կենտրոն

*անմիջապես կշահեն այս փողոցների վրա ապրող 150 ընտանիքներ. նրանց երեխաները հնարավորություն կունենան երեկոյան ժամերին ավելի երկար խաղալ բակում և այլն:

2.Լողավազանի վերակառուցում:

Լուկաշինը Արմավիրի մարզի և հանրապետության բազմաթիվ այլ գյուղական համայնքներից տարբերվել է նրանով, որ այստեղ նախկինում գործել է լողավազան: Սակայն այն արդեն երկար տարիներ անգործության է մատնվել:

Լողավազանի վերակառուցման նպատակով նախատեսվում է 96ք.մ. մակերեսով /12 x 8մ./ նախկին լողավազանի բազայի վրա կառուցել ծածկված լողավազան`տղաների և աղջիկների համար առանձին հանդերձարաններով, ցնցուղ ընդունելու խցիկներով և այլ հարմարություններով:

3.Մանկապարտեզի մասնակի վերանորոգում:

Լուկաշին համայնքի մանկապարտեզը կառուցվել է նախորդ դարի 70-ական թվականներին: Մանկապարտեզի շենքը մեկհարկանի է, 400ք.մ. մակերեսով: Այն նախատեսված է եղել մսուրային և նախադպրոցական տարիքի շուրջ 120 երեխայի համար: Հայաստանի անկախացումից ի վեր ֆինանսական հնարավորությունների բացակայության պատճառով այն մինչ օրս չի վերանորոգվել: 2012թ. մանկապարտեզը վերագործարկվեց, սակայն այն գործեց միայն մեկ ամիս: Թեև մանկապարտեզն ունի անհրաժեշտ գույք և պարագաներ, սակայն տանիքի անմխիթար վիճակի պատճառով հնարավոր չէ օգտագործել այն ըստ նշանակության: Արդյունքում համայնքի շուրջ 65 նախադպրոցական տարիքի երեխաներ զուրկ են նախակրթություն ստանալու`զարգացման, դաստիարակության և դպրոցական միջավայրին արագ ինտեգրվելու և հարմարվելու կարևորագույն հնարավորությունից: Այդ վերոհիշյալ գումարով մանկապարտեզի մասնակի վերանորոգում կլինի: Նախատեսվում է իրականացնել մանկապարտեզի 400ք.մ. տանիքի մասնակի վերանորոգում: Չնայած մանկապարտեզի շենքն ամբողջությամբ հիմնանորոգման կարիք է զգում, սակայն համայնքի ներկա հնարավորությունները թույլ են տալիս իրականացնել միայն տանիքի մասնակի վերանորոգում: Վերանորոգումից հետո հնարավոր կլինի վերաբացել մանկապարտեզը և ընդունել երեխաներին, եթե ոչ կլոր տարին, ապա գարուն-աշուն ժամանակահատվածում:

Ծրագրի իրագործման արդյունքում.

*համայնքում կվերաբացվի մանկապարտեզը.

*նախադպրոցական տարիքի երեխաները հնարավորություն կունենան ստանալու գիտելիքներ և հմտություններ, որոնք անհրաժեշտ են զարգացման և հետագա կրթության համար.

*կստեղծվեն աշխատեղեր մանկավարժների և սպասարկող անձնակազմի համար և այլն:

4.Գյուղամիջյան ճանապարհի բարեկարգում:

Լուկաշին համայնքի գյուղապետարանից դպրոց տանող 850մ. երկարությամբ ճանապարհահատվածը ասֆալտապատ Հունան Ավետիսյանի փողոցի շարունակությունն է: Ճանապարհահատվածը գտնվում է անմխիթար վիճակում, կիսաքանդ է`մեծ ու փոքր ակոսներով: Ասֆալտի ծածկույթ չունեցող գրուտային այս հատվածը լուրջ դժվարություններ է առաջացնում հատկապես դպրոցահասակ երեխաների, մանկավարժների, ինչպես նաև ծնողների համար, հատկապես`անձրևային եղանակին: Նման օրերին դպրոց հաճախելը դառնում է իսկական փորձություն թե’ դպրոցականների, թե’ մանկավարժների համար: Առանց այն էլ սոցիալական ծանր վիճակում գտնվող ընտաքիների ուսերին ծանրանում են լրացուցիչ ծախսերը`կոշիկների և հագուստի մաշվածություն և այլն: Այդ վերոհիշյալ գումարը կծախսվի գյուղապետարանից դպրոց տանող 850մ. երկարությամբ ճանապարահահատվածի բարեկարգման և հարթեցման նպատակով` ցեմենտա-խճային խառնուրդով:

Ծրագրի իրագործման արդյունքում.

*համայնքի շուրջ 292 աշակերտներ, նրանց ծնողները և 45 մանկավարժներն ու աշխատակիցները հնարավորություն կունենան դպրոց հաճախել բարեկարգ և մաքուր ճանապարհով:

5.Գերեզմանատան տարածքի պարսպապատում:

Լուկաշին համայնքի գերեզմանոցը հիմնվել է 1920-ականներին, մասնակի պարսպապատ է, տեղ-տեղ` կիսաքանդ մետաղական ճաղերով: Գերեզմանոցում են հանգչում գյուղի հասարակ աշխատավորներն ու մշակը, հայրենական պատերազմի ու արցախյան ազատամարտի հերոսամարտիկները: Գերեզմանոցն ունի պատմամշակութային արժեքը: Ամբողջական և հուսալի ցանկապատի բացակայության պայմաններում գերեզմանի տարածքում են կազմակերպվում անասունների արոտը: Գերեզմանները տրորվում են ու փլուզվում, քանդվում են հուշարձանաքարերն ու պաշտպանիչ եզրաքարերը: Այս հիմնախնդիրը կարևոր է համայնքի յուրաքանչյուր ընտանիքի համար: Այդ վերոհիշյալ գումարը գերեզմանոցը քարե շարվածքով պարսպապատելու համար է` շուրջը 3կմ պարագծով:

Ծրագրի իրագործման արդյունքում.

*համայնքը կունենա պահպանված և պաշտպանված գերեզմանատուն.

*գյուղապետարանը նախատեսում է նաև շինարարական աշխատանքներում ներգրավել աշխատուժ`համայնքի բնակիչների թվից, ինչը կապահովի շուրջ 10-15 աշխատատեղ:

Բոլոր սցենարների աշխատանքներն հնարավոր է իրականացնել դոնորների և մասնավոր ներդրողների կողմից լրացուցիչ ֆինանսավորման պարագայում:

Կար 7 սեղան, որով շուրջը կային մեկ սեղանավար, մեկ համակարգչային վարող և Լուկաշին համայնքի մարդիկ: Այստեղ մեծ ուշադրություն էր դարձված հավասար իրավունքների և հավասար հնարավորությունների խթանմանը և կանանց` տեղական ժողովրդավարական գործնթացում: Մի սեղանի շուրջը նստաց էինք մենք` ԱՅՈ’ Լուկաշին համայնքի լրագրողների ակտիվ խումբը: Մեզ համար շատ հետաքրքիր էր, որովհետև մենք առաջին անգամ էինք մասնակցում այսպիսի միջոցառման, որտեղ քննարկվում էին լուրջ համայնքային հարցեր: Այնտեղ կարևորում էին նաև մեր կարծիքը:

Սկսվեցին քննարկումներ սեղանների շուրջը: Ամեն մի առաջարկ և քննարկում համակարգչային աշխատողի օգնությամբ անմիջապես հայտնվում էր ընդհանուր էկրանին, որը հնարավորություն էր տալիս բոլորին տեսնել քննարկումները շատ արագ կերպով:

Ներկայացնեմ քննարկումներից մի քանիսը.

-Փողոցի լուսավորությունը այդքան կարևոր չէ, գլխավոր փողոցի խանութների լուսավորությունը լուսավորում է նաև այդ փողոցները:

-Մենք չունենք մշակութային կենտրոններ, ի’նչի մասին է խոսքը:

-Այդքան գումար չարժե ծախսել լույսերի վրա, կարելի է այդքան գումարը օգտագործել մշակութային կենտրոններ բացելու համար:

-Լողավազանի սցենարի լուծումն էլ այնքան էական չի մեր համայնքի համար:

-Համաձայն ենք մասնակի վերանորոգմանը:

-Մենք`կանայքս, ամեն դեպքում լողավազան չենք գնա, դա տղամարդկանց գործն է:

-Գյուղը մնում է գյուղ, աղջկան սազական չէ լողավազանից օգտվելը: Սակայն եթե լողավազանը լավ պայմաններ ունենա, ապա դա կօգնի նաև մշակութային խոչընդոտները

հաղթահարել, և աղջիկներն էլ կօգտվեն լողավազանից:

-Նույնիսկ լավ վերանորոգված լողավազան աղջիկները չեն գնա:

-Եթե լողավազանը լինի, ապա կողքի համայնքներից էլ կգան օգտվելու համար: Եվ դա համայնքին լրացուցիչ եկամուտի աղբյուր կլինի:

-Իրականում լողավազանը չի կարող եկամուտի աղբյուր լինել:

-Մենք առաջնային խնդիր ենք համարում աղբահանությունը:

-Մանկապարտեզի վերանորոգումը առաջնային է:

-Մանկապարտեզի բոլոր պայմանները այնպիսին են,որ կարելի է այն լիովին օգտագործել, սակայն վճարները շատ բարձր չլինեին:

-Մանկապարտեզը չի գործում, որովհետև ֆինանսավորում չունի:

-Առաջարկ է եղել մանկապարտեզ գնալը լինի անվճար, սակայն գումարը փոխանցվում է հողի հարկին:

- Տանիքը երբեք խնդիր չի եղել, ուղղակի ռեսուրսներ չկան:

-Բյուջեն է պատճառը,որ չի բացվում:

-Մանկապարտեզը շատ օգնություն է ստացել անցած տարի: Հունիսի 2-ին նվերներ ստացան, իսկ 3-ին մանկապարտեզը փակվեց:

-Մանկապարտեզի վիճակն այնքան լավ է եղել, որ կողքի գյուղերից էլ են եկել մեզ մոտ:

-Կարևոր է նաև ջեռուցման խնդիրը, եթե ջեռուցում լինի, մանկապարտեզը կլոր տարին կարող է գործել:

-Մայրերը նախընտրում են երեխաներին տանը պահել, որ չվճարեն մանկապարտեզին:

-Մայրերից ոչ մեկը որպես կամավոր չի աշխատի մանկապարտեզում:

-Համեմատած մյուս խնդիրներին` ճանապարհի խնդիրը շատ կարևոր է: Այս նշված հատվածը` դպրոցի ճանապարհը, ամենավատ վիճակում է:

-Ամեն օր երեխաները կեղտոտ գալիս են տուն, և ծնողները չեն հասցնում լվանալ շորերը:

-Թող մեզ ներեն մեր հանգուցյալները, սակայն գերեզմանի նորոգումն այնքան էլ առաջնային չի:

Իսկ հետո մենք` ԱՅՈ’ լրագրողներս, առաջարկեցինք ավելացնել երկու սցենար.

-Իսկ մեր հիվանդանոցը: Այնտեղ շենք էլ չկա:

-2013-ին կարևոր է դպրոցի ջեռուցումը: /Վ.Հ. Ես 8 տարի սովորում եմ մեր գյուղի դպրոցում և 8 ձմեռ շնչում եմ այդ տհաճ նավթի հոտը:/

Եվ քվեարկության արդյունքում ստացանք այս պատկերը.

1. Լուսավորության անցկացում -11

2. Լողավազանի վերակառուցում -4

3. Մանկապարտեզի վերանորոգում -13

4. Ճանապարհի բարեկարգում -52

5. Գերեզմանոցի պարսպապատում -2

Վերջում ելույթ ունեցավ գյուղապետ Կ.Մկրտչյանը: Նա խոստացավ ամեն խնդրին հերթականությամբ տարիների ընթացքում լուծում տալ: Առաջինը կվերանորոգվի ճանապարհը, իսկ հետո անպայման մանկապարտեզը կնորոգվի և կաշխատի:

Այս ամենը շատ արագ անցկացվեց շնորհիվ Հայաստանում ՄԱԿ-ի զարգացման ծրագրի /ՄԱԶԾ/:

P.S. Ես կարող եմ դիտողություն անել աղբահանության առաջարկի համար, որորոհետև աղբահանությունը արդեն 4-րդ ամիսն է կատարվում է : Ամեն շաբաթ աղբի մեքենան շրջում է գյուղի փողոցներով:

Մենք` մեր ԱՅՈ’ լրագրողներով շատ կուզենայինք, որ մանկապարտեզի հարցը լուծվեր, որ նա գործեր, որովհետև մենք մի քանի անգամ ակցիաներ էինք կատարել, և մեզ շատ էր դուր գալիս մանկապարտեզի հետ աշխատելը: Կարոտով սպասում ենք նրա բացմանը:/

Ռեպորտաժը պատրաստեց Վիկտորյա Հարությունյանը /ԱՅՈ',,Լրագրող-զատիկ" խումբ/

Լենա Հ.,Մերի Հ.,Անահիտ Մ. ԱՅՈ' լրագրողներ

13.10.2012.

Արթուր Կ. ԱՅՈ' լրագրող

Հոկտեմբերի երկրորդ հինգշաբթին աշխարհի 100 երկրներում նշվում է տեսողության համաշխարհային օրը: «Լույս մանուկների աչքերին» խորագրի ներքո Հայաստանում ԱՄՆ ՄԶԳ/ՀԱՆ Մանկական կուրության կանխարգելման գերազանցության կենտրոնը մեկնարկեց ծրագիրը՝ շեշտը դնելով մանուկների տեսողական խնդիրների լուծման վրա: Բարեգործական միջոցառումներից հերթականն անցկացվեց Արմավիրի մարզի Լուկաշին համայնքում: Միջոցառմանը զուգահեռ, համայնքում ԱՄՆ դեսպան Ջոն Հեֆերնի և տիկնոջ՝ Լիբբի Հեֆերնի գլխավորությամբ, մի խումբ կամավորներ իրականացրեցին տարաբնույթ ծրագրեր:

Մերին և Դավիթը

ԱՅՈ' ակումբի լրագրողները

կատարվում է ջրի անալիզ

Դեսպանատան աշխատակիցները և կամավորականնեի մի մեծ խումբ դեսպանի գլխավորությամբ ներկեցին դպրոցի դռները ու պատուհանները, անդրադարձան նաև համայնքի էկոլոգիական խնդիրներին կատարելով աղբահանություն և խմելու ջրի ստուգում:
,,Սա ծրագիր չի բառից բուն իմաստով, սա կամավորների գործողություն է և մարդիկ եկել են ուղղակի օգնելու, ես անձամբ այսօր ներկել եմ դուռ և պատուհան, գնացել եմ և երեխաների հետ ստուգել ենք ջրի որակը:Բերել եմ նկար, որի վրա երեխաները աշխատում են և գյուղի փողոցից հավաքել ենք մի քանի պլաստիկ շշեր".- նշեց ԱՄՆ դեսպանը:

Միշա Կ. և Սարգիս Հ.

Կամավորական միջոցառման իրականացնելու համար դեսպանատան աշխատակիցները կազմակերպել էին թխվածքի վաճառք, որից ստացված գումարով գնել են ներկերն ու բոլոր անրաժեշտ պարագաները և բերել են համայնքին նվեր և այն ոչ մի առանջություն չունի պետական գումարների հետ:

Լիբբի Հեֆերն /ԱՄՆ դեսպանի տիկինը/

Էդմոն Գ. ԱՅՈ' լրագրող

Վարդան Խ. ԱՅՈ' լրագրող

Նելլի Մ. ԱՅՈ' լրագրող

Տարոն Մ. ԱՅՈ' լրագրող

Կամավորական աշխատանքներին մասնակցում էին նաև գյուղապետ` Կարեն Մկրտչյանը,<<Լուկաշին ՀԵՆԱ>> երիտասարդական ակումբը Արթուր Հարությունյանի գլխավորությամբ և ԱՅՈ' մանկապատանեկան ակումբի սաները:

Դեսպանը` Ջոն Հեֆերը բացի շինանյութից իր հետ բերել էր նաև Հայաստանի խորհրդանիշ Մասիս սարը պատկերող կտավ, որն իրենց պատկերացումներով ավարտեցին դեսպանը իր տիկնոջ հետ, ,,Լուկաշին ՀԵՆԱ" ակումբի երիտասարդները, ԱՅՈ' ակումբի սաները և դպրոցի երեխաները ստանալով գեղեցիկ բնությունը խորհրդանշող բնանկար: Բարեգործական ծրագիրը ավարտվեց բերքի տոնի միջոցառումով:

Մարի և Մերի Հ. , ԱՄՆ դեսպանը իր տիկնոջ հետ:

Միշա Կ., Ռաֆիկ Գ.,Վարդան Խ. ԱՅՈ' լրագրողներ:

Արթուր Հարությունյան, ԱՄՆ դեսպան` Ջոն Հեֆերնը, գյուղապետ` Կարեն Մկրտչյան

Հունիսի 11-ին Լուկաշին համայնքի

9-րդ դասարանցիները մասնակցեցին մաթեմատիկայի ավարտական քննությանը:

11.06.2012

Այսօր հունիսի 1-ին Լուկաշին համայնքի ԱՅՈ' ակումբի երեխաները անցկացրեցին ակցիա երեխաների պաշտպանության միջազգային օրվա արթիվ:

01.06.2012

Հունիսի 1-ին առավոտյան ժամը 10-ին Լուկաշին համայնքի դպրոցի բակը լի էր երեխաներով, ծնողներով, գույնզգույն փուչիկներով ու բարձր տրամադրությամբ: Մանկական երաժշտությունը տարածվում էր ամբողջ գյուղով մեկ:

01.06.2012

Միջոցառումը սկսվեց դպրոցի տնօրեն Գ.Մարգարյանի ողջույնի խոսքով: Երեխաները պարեցին, զբաղվեցին կավճանկարչությամբ, իսկ դրանից հետո մտան դպրոցի դահլիճ, ու երեխաների համար ցուցադրվեցին տարբեր մուլտֆիլմներ: Երեխաների տրամադրությունը շատ բարձր էր, նրանց ծնողները շատ հիացած էին և ուրախ, որովհետև առաջին անգամ համայնքում այդպիսի մեծ շուքով տոնում էին իրենց երեխաների տոնը:

01.06.2012

Ակցիան ավարտվեց անակնկալով: ԱՅՈ’ ակումբի երեխաները և դպրոցի ուսուցիչները մանկապարտեզի երեխաների համար պատրաստել էին նվերներ` փափուկ խաղալիքներ:

01.06.2012

01.06.2012թ

01.06.2012թ.

01.06.2012

Տոնը կայացավ: Գոհ ու երջանիկ էին բոլորը. Թե’ երեխաները, թե’ ծնողները և թե ԱՅՈ’ ակումբի անդամները: Մենք որոշեցինք դարձնել այդ տոնը ավանդույթ:

P.S. Ակցիան իրականացնելու համար շնորհակալություն ենք հայտնում նախաձեռնող Հեյֆեր կազմակերպության ԱՅՈ’ ակումբի Լուկաշին համայնքի <<Լրագրողական գործ>> ուսուցանող Ա. Հյուսյանին, ինչպես նաև <<Բիզնես կրթություն>> ուսուցանող Զ. Գևորգյանին, <<Քազաքացիական կրթություն>> ուսուցանող Ա. Հովհանիսյանին, <<Տրամաբանություն>> ուսուցանող Զ. Յարալյանին, գյուղապետ Փ. Խորոզյանին և դպրոցի տնօրեն Գ. Մարգարյանին:

01.06.2012

Մայիսի 29-ին.
/Լուկաշինի Հ.Ավետիսյանի միջն. դպրոց/

Պատրաստվում ենք հայոց լեզվի քննության:

4 դաս. Մկրտումյան Լ.

4 դաս. ուս. Մկրտումյան Լ.

Մայիսի 10-ին Լուկաշին համայնքում մեծ հանդիսությամբ վերաբացվեց մանկապարտեզը , որն այսուհետ իր հյուրընկալ հարկի ներքո կընդունի համայնքի երեխաներին:

10.05.2012

Բայց.......
Մանկապարտեզն ունի բազում չլուծված խնդիրներ`
Անհրաժեշտ է մանկապարտեզի շենքի կապիտալ վերանորոգում:

Ինչպես ցանկացած գյուղ, այնպես էլ Լուկաշինը, ունի իր սեփական մանկապարտեզը: Այն գտնվում է գյուղապետարանին կից տարածքում: Բավականին երկար ժամանակ է ինչ այս փոքրիկ ու մինչդպրոցական կրթահամալիրը բազում փոքրիկների սովորեցնում է բազմաթրիվ` խաղեր, տառերը և հաշվել: Արդեն մանկուց երեխաները շփվում են բազմաթիվ այլ երեխաների հետ ու ընկերներ ձեռքբերում:

Մանկապարտեզում կան սիրալիր և հիանալի դաստիարակչուհիներ, ովքեր օրվա կեսն անցկացնելով բազմաթիվ երեխաների հետ, չեն հոգնում ու նրանց միշտ լավ են վերաբերում: 1 տարի է ինչ մանկապարտեզի գործունեությունը դադարել է, սակայն վերջերս այն վերանորոգվեց և իր դռներն է բացել բազմաթիվ փոքրիկների առջև:

Այն որոշ չափով կահավորված է, բակում խաղալու համար կան բազմաթիվ կառուսելներ ու ճոճանակներ: Ես ինքս էլ մանկապարտեզ եմ գնացել և մինչև հիմա հիշում եմ Զոյա տատիկի պատրաստած ճաշերի համն ու կարոտում:

Ես հուսով եմ, որ այս փոքրիկ ու հրաշալի մանկապարտեզը միշտ կշարունակի իր գործունեությունը և ամեն տարի նոր ու հիասքանչ մանուկների կճանապարհեն դպրոց: Եվ որ գյուղապետարանն էլ միշտ կհովանավորի նրան ու մանկապարտեզի տնօրեն` տիկին Գոհարին կաջակցի ամեն հարցում:

10.05.2012

Մանուկներն այս գյուղի,

Մանկապարտեզ գնալով

Կրթվում են ու դաստիարակվում

Նոր ընկերներ ձեռք բերում:

10.05.2012

Առավոտյան ուրախ գնում,

Երեկոյան տխուր գալիս,

Տխուր տրտում, նստում, հիշում

Իրենց օրը տանը պատմում:

10.05.2012

Գիշերները անուշ քնում

Առավոտյան վաղ արթնանում

Ու իրենց խաղին վազում

Թե երբ են կրկին, այնտեղ գնալու

Ու երբ են կրկին նորից տեսնելու:

Առավոտյան աղմուկ աղաղակ է փողոցում տիրում

10.05.2012թ

Տեսնես այդ ինչ է կատարվում

Ինչու են երեխաները երգում ու ժպտում

Ա հիշեցի նրանք մանկապարտեզ են գնում:

Ծաղիկներով, փուչիկներով

Ուրախ-ուրախ գնում են

Մեծերը նայում են ու մտածում

Տեսնես ինչու ենք մենք մեծանում

Երանի մենք էլ փոքր լինեինք,

Փուչիկները ձեռքներիս մանկապարտեզ վազեինք:

10.05.2012

Զարդար Հ.

Արմինե Զ.

Ռեպորտաժը պատրաստեց` Զարդար Հովհաննիսյան

Տպագրեց` Արմինե Զեյնալյանը

նկարները տրամադրեց` Միշա Կոստանյանը

Գյուղի ապագան կերտում է կրթված երիտասարդը
4 oր Ծաղկաձորում:

11.05.2012թ

Մայիսի 11-ին և 12-ին Ծաղկաձորի Գրողների ստեղծագործական տանը Հեյֆեր Հայաստանը և ,,Զարգացման սկզբունքներ'' ՀԿ-ն կազմակերպել էր ԱՅՈ' մանկապատանեկան ակումբների հերթական տարեկան համաժողովը: Հայաստանի 29 գյուղաբնակ համայնքներում գործող ԱՅՈ' մանկապատանեկան ակումբների շուրջ 200 սաներ մասնակցում էին տարվա համաժողովին: Համաժողովը անց կացվեց ,,Գյուղի ապագան կերտում է կրթված երիտասարդը'' խորագրի ներքո:

11.05.2012թ

Համաժողովը անրադարձավ մանկապատանեկան ակումբների ներգրավվածությանը իրենց համայնքների սոցիալ-տնտեսական կյանքին, ինչպես նաև ակումբների սաների կողմից տեղական ինքնակարավառման մարմինների հետ համագործակցելու ուղղությամբ տարվող աշխատանքներին:Ակումբներում գործող բոլոր յոթ արտադասարանային խմբակներ
հաճախող երեխաները ամփոփի կերպով ներկայացրին նախորդ տարվա ընթացքում իրենց կատարած աշխատանքները, այնուհետև տեղի ունեցավ քննարկումներ ակումբ

11.05.2012թ

ների սաներին հուզող հարցերի շուրջ:
Այնտեղ նաև մենք էինք` Լուկաշին համայնքի ԱՅՈ` մանկապատանեկան ակումբի ,,Պատանի հայորդիներ"-ս:
Առաջին անգամ էինք և ունեցանք մեծ հաջողություն: Ներկայացրեցինք մեր ,,Պատանի հայորդիներ" ԱՅՈ` ակումբի երկու ամսվա աշխատանքները:

11.05.2012թ

Ծանոթացանք 29 Հայաստա-
նի համայնքների ԱՅՈ` ակուբների երեխաների հետ, նրանց աշխատանքներին:

12.05.2012թ

Վ. Հարությունյան /7դաս/

Միջհամայնքային փոխանցիկ գավաթ.
26.04.2012թ.

26.04.2012թ.

Լուկաշին համայնքի և երիտասարդական ակումբի նախաձեռնությամբ նախագահ`Վ.Դավթյան, միջհամայնքային ֆուտբոլի մրցաշար: Հրավիրվաց են եղել երեք համայնքներ` Լուկաշին, Նորավան, Խանջյան: Միջոցառումը նվիրվաց էր գյուղի հիմնադրման 87-ամյակին: Միջոցառմանը աջակցել է ,,Counterpart" միջազգային կազմակերպությանը: Հրավիրվաց հյուրեր` Մ.Թորանյան, Ա.Հյուսյան, Գ.Գուգուջյան, Ա.Թևոսյան: Ելույթ ունեցան` Վ.Դավթյանը, Մ.Թորանյանը, Ն.Զեյնալյանը:

26.04.2012թ.

Այս ֆուտբոլի փոխանցիկ գավաթը հաղթեց Խանջյան համայնքը, երկրորդ տեղը գրավեց Լուկաշին համայնքը, իսկ երրորդը` Նորավան համայնքը: Միջոցառման վերջում ընտրվեցին լավագույն ֆուտբոլիստներ: Խանջյան համայնքից ընտրվեց թիմի դարպասապահ` Ա.Վարոսյանը: Իսկ Լուկաշին համայնքից`Դավիթ Իսկանդարյանը:

Դ.Իսկանդարյան /10դաս./

Լուկաշին համայնքի թիմը

Կ.Դավթյան /10դաս/

Ռ.Գևորգյան

Հեյֆեր Հայաստանի ԱՅՈ մանկապատանեկան ակումբի Լուկաշին համայնքի ,,Պատանի Հայորդիներ" ակումբի անդամները մինի Ֆուտբոլի ժամանակ:

Ա.Պողոսյան /9 դաս./


26.04.2012թ.

26.04.2012թ.

Հայոց Մեծ Եղեռն

24.04.2012

1915թ.

2012թ. ապրիլի 24.

Սույն թվականի ապրիլի 24-ին Հունան Ավետիսյանի անվան միջնակարգ դպրոցում տեղի ունեցավ` Հայոց Մեց Եղեռնի զոհերին նվիրված հիշատակի օր:

24.04.2012

Աշակերտների կողմից կազմակերպվել էր միջոցառում, որին իրենց մասնակցությունը ունեցան 7-10 դասարանները:Միջոցառումն բացեց Բ.Ստեփանյանը իր խոսքով: Նա ևս մեկ անգամ պատմեց և բոլորին հիշեցրեց 1915թ. մեծ ողբերգությունը և ներկաներին խնդրեց մեկ րոպե լռությամբ հարգել Եղեռնի զոհերի հիշատակը, հետո միջոցառման մասնակիցները ներկայացրին իրենց համարները: Միջոցառումը անցավ պատշաճ մակարդակով:

որի

Միջոցառումն իր
խոսքով փակեց դպրոցի տնօրեն` Գ.Մարգարյանը: