http://www.youtube.com/watch?v=bbtFkznRCng

http://www.youtube.com/watch?v=0YZWRMvgWzk

Նկարը տրամադրեց` Հ.Վիկան

,,ԱՅՈ`-ն ընդդեմ ՁԻԱՀ-ի''

Այսօր ողջ աշխարհում նշվում է ՁԻԱՀ-ի դեմ պայքարի օրը: ՁԻԱՀ-ի դեմ պայքարի համաշխարհային օրը հռչակվել է 1988թ-ին դեկտեմբերի 1-ին:
Հայաստանի նման փոքր երկրի համար այս հիվանդությունը մեծ սպառնալիք է ներկայացնում: Կարծում եմ ՁԻԱՀ/ՄԻԱՎ (AIDS, ՍՊԻԴ)-ի մասին պիտի միշտ խոսվի ու հիշեցվի բոլորին:
Լուկաշին համայնքի ԱՅՈ’ մանկապատանեկան ակունբի ,,Լրագրող-զատիկ’’ խմբով նշեցինք ՁԻԱՀ-ի համաշխարհային օրը`,,ԱՅՈ-ն ընդդեմ ՁԻԱՀ-ի’’ խորագրով:

Մենք, երեխաներով միասին, կարդացինք համացանցից, թե ինչ է ՄԻԱՎ-ն ու ՁԻԱՀ-ն: Հետո սկսվեց բուռն քննարկում, պատրաստեցինք պաստառներ, Տարոնը ու Թամարան մի բանաստեղծություն գրեցին այդ օրվան նվիրված:
Եվ մենք դուրս եկանք փողոց: Մի քանի տեղ տեղադրեցինք այդ պաստառները:

Ռեպորտաժը պատրաստեց Վ.Հարությունյանը. 12տ.

****

Վարակված մարդիկ շատ կան աշխարհում,
Ու նրանց թիվը աճում է, աճում,
Բայց պետք չէ նրանց վտարել մեզնից
Ու նաև հեռու պահել մեզանից:
Նրանք էլ մարդ են ու մեզ հավասար,
Գուցե մեզանից ավել երկու քայլ:
Վարակված, լինեն ՄԻԱՎ, ՁԻԱՀ-ով
Ու թեկուզ թեթև ինչ որ վարակով,
Պետք չէ վտարել ու մեզնից վանել,
Ոչ էլ ստորացնել ու արհամարհել,
Ոչ իրենց մասին վատ բան մտորել,

Գուցե մի օր էլ այդ օրը ընկնենք:
Մեր կյանքն է ազատ անկախ ամենից,
Մարդիկ են մեռնում ՄԻԱՎ, ՁԻԱՀ-ից,
Չարորակ մի հիվանդություն
Խլում է կյանքեր բազում,
Իսկ ով որ հիվանդ է արդեն
Պետք չէ որ արհամարհեն:

Տարոն Մկրտչյան 15տ.
Թամարա Գալստյան 16տ.

Նրանք բոլորը մտերիմ ընկերներ են:2012թ.մայիս

Ընկերների միջազգային օրը նշվում է ողջ աշխարհում հունիսի 9-ին:

2012թ. մայիս

Ընկերների օրը նշելու ավանդույթը ծնվել է ԱՄՆ-ում 1935թ., երբ Կոնգրեսը օգոստոսի առաջին կիրակին հռչակել է Ընկերության ազգային օր և այդ օրվանից սկսած այն նշվում է ամեն տարի, սակայն ոչ պաշտոնապես ընկերների միջազգային օրը նշվում է այսօր`հունիսի 9-ին:

2012թ. մայիս

Նելլի Մկրտումյան /հունիսի 1-ին 2012թ./

Ընկերներ

Ինձ թվում է որ ընկերությունը ամենալավ բանն է:Ընկերները պետք է լինեն անկեղծ ես և իմ բոլոր ընկերներն ու ընկերուհիները: Ես ամենաշատ անկեղծ եմ իմ դասընկերուհիների Լուսինեի և Վիկայի հետ: Նրանք էլ ինձ հետ: Մեր ընկերության մեջ տիրում ` փոխադարձ հարգանք :Միշտ իրար հետ հաշտ ու համերաշխ ենք:Իհարկե մի քանի լավ ընկերուհիներ նույնպես ունեմ որոնք մանկության ընկերուհիներն են ,մեր ընկերությունը հիմնված է հավատի և անկեղծության վրա:

Նելլի Մկրտումյան.

Ռաֆիկը և Դավիթը 2012թ. մայիս

2012թ. հունիս

Լուկաշին համայնքի ԱՅՈ' մանկապատանեկան ակումբի անդամները

մայիս 2012. /Ծաղկաձոր/

Մայիս 2012. /Ծաղկաձոր/

Մարին և Նազիկը. հունիսի 1-ին 2012թ

Կարենը, Ծաղիկը և Դավիթը.մայիս 2012թ

2012թ

Ալինան, Ռուզիկը և Մերին 2012թ

2012

Միշան ու Վալիկոն. 2012թ

Արմինեն ու Ծաղիկը 2012թ

Հունիսի 1 - Երեխաների պաշտպանության օր

ԱՅՈ' մանկապատանեկան ակումբի Լուկաշին համայնքի անդամները շնորհավորում են աշխարհի բոլոր երեխանի տոնը:

Ռուզանոչկան

Աշոտիկը և Ռուզանիկը

փոքրիկ Ալեքսը 01.06.2012

Շնորհավոր աշխարհի բոլոր երեխաներին: Թող ժպտան իրենց աչիկները, թող միշտ երջանիկ լինեն:

01.06.2012

Շնորհավոր ամռան առաջին օրը:

01.06.2012

Շատերի համար տհաճ է ամռան անտանելի շոգը, շատերն էլ ուրախ են ամռան գալուստին :

01.06.2012

Եվ այսօր արդեն ամառ է, տարվա եղանակներից ամենաջերմն ու ամենապայծառը, ամենալուսավորն ու ամենաարևայինը:

հեղինակ Հ.Վիկա 1.06.2012թ

01.06.2012

Իսկ ամռան հենց առաջին օրը՝ հունիսի 1 -ին, նշվում է աշխարհի ամենաբարի տոներից մեկը՝ Երեխաների պաշտպանության միջազգային օրը: Այդ օրը Լուկաշին գյուղը լի է լինում փոքրիկների խինդ ու ծիծաղով, գունավոր փուչիկներով, հետաքրքիր միջոցառումներով…

01.06.2012

Ամառը Հրաշք մի եղանակ է: Զգում ես, որ շուրջ բոլորդ կյանքով լեցուն է: Բույսեր, ծառեր, ծաղիկներ, կենդանիներ՝ բոլորը աշխույժ են, բոլորը զվարթ, բոլորը կյանքով լեցուն են: Սիրում եմ այս եղանակը: Սիրում եմ ամառը:

Արեւ ուրախություն, արձակուրդ, պաղպաղակ . . . . . . . . . . . . . . . . . . . . . Մի խոսքով ուռաաաաաաաաա՜:Շնորհակալ եմ ամռանը, տարվա իմ ամենասիրելի եղանակը լինելու համար:

հեղինակ` Մերի Համբարձումյան 01.06.2012թ.
նկարները տրամադրեց` Վիկա Հարությունյանը

01.06.2012

Վիկա և Մերի 01.06.2012թ.

01.06.2012

01.06.2012թ

Թ. Թամարա.

Ա.Մոնիկա

01.06.2012

/նվիրում եմ ,,Երեխաների պաշտպանության օրվան''/
Տարոն Մկրտչյան
Մանուկների ծեծը չի մոռացվի
Միթե մանուկն արժանի չէ
Արժան լինել բարի խոսքին ,

                                                   Միթե ժպիտն հովանի չէ
Նրա խախտված իրավունքին:

                                                Որ խոսվում է միայն խոսվում
Ծնողի ծեծը չի մարում,

Ռուզիկը Աշոտիկի հետ

                                          Իսկ դպրոցում ինչ են անում

                                             Տեղի անտեղի ծեծում ,
Անիմաստ վիրավորում:

                                                 Կարող է շարունակվել
    Անտարբեր տարբերությունը,
                                             Անսիրտ խրախուսումները ,
    Բարի վիրավորանքները:
   Հունիսի 1 –ի օրը
    Կշողա բողոքի թուրը,
    Կբռնկվի անշեջ հուրը,
     Կտեսնենք մենք մանուկների
       Ժպիտի վերականգնումը:

Երեխաների պաշտպանության օրը

01.06.2012

01.06.2012թ. Նկարում HEIFER կազմակերպության տնօրեն Ա.Ղազանչյանը, ,,Լրագրողական գործ" ուսուցանող Ա.Հյուսյանը, ԱՅՈ'մանկապատանեկան ակումբի անդամ Տ.Մկրտչյանը.

Այսօր առանց ծխախոտի համաշխարհային օրն է...

հեղինակ Հ.Վիկա 31.05.2012թ.

31.05.2012թ

Ակցիա
Ակցիայի հիմնական նպատակները հետևյալն են `

ա/ Լուկաշին համայնքի բնակիչներին տեղեկացնել ծխելու հիմնական վտանգների մասին՝ կիրառելով նաև որոշ ինտերակտիվ տվյալներ,
բ/ նպաստել հասարակական վայրերում չծխելու նոր քաղաքականությանը եւ դրանով իսկ աջակցել առողջ ապրելակերպի զարգացմանը,
գ/ աջակցություն հղիներին, երեխաներին, ովքեր ունեն չծխողների միջավայրում ապրելու իրավունք,
դ/ պաշտպանել պասիվ-ծխողներին՝ ծխողներին տեղեկությունների տրամադրման շնորհիվ:

հեղինակ Հ.Վիկա 31.05.2012թ.

Մի' ծխեք, կոչ են անում մանկապատանեկան ԱՅՈ' ակունբի երեխաները:

31.05.2012

Մտածիր.....

31.05.2012

հեղինակ Հ.Վիկա 31.05.2012թ.

Քո ծխախոտի ծուխը վնաս է այս փոքրիկների առողջությանը:

Վիկա Հ.

Ռեպորտաժը պատրաստել էր` Վիկտորյա Հարությունյանը:

հեղինակ Հ.Վիկա 31.05.2012թ.

Ծնունդտ շնորհավոր, Հանրապետություն...

28.05.2012թ Սարդարապատ

Մայիսի 28 2012թ

Հաղթանակների մայիսը տոնեց իր վերջին տոնը` Հայաստանի Առաջին Հանրապետության հռչակման օրը: Տոնը մեծ շուքով նշվեց Սարդարապատի հուշահամալիրում:

28.05.2012թ.Հովսեփյան Լ.,Մարգարյան Ա., Դավթյան Ն.

28.05.2012թ-ի վաղ առավոտյան անսովոր աշխուժություն էր տիրում <<Լուկաշին Հ.Ավետիսյանի անվան միջնակարգ դպրոց>>-ի բակում:

28.05.2012թ

Հեյֆեր կազմակերպության ԱՅՈ’ մանկապատանեկան ակումբի Լուկաշին համայնքի անդամները, դպրոցի տնօրեն Գ.Մարգարյանը և մի քանի ուսուցանեղներ շտապում էին մասնակցելու տոնակատարությանը:

28.05.2012

Ավտոբուսը շարժվեց նախատեսված ժամին: Աշակերտները հանդես եկան իրենց պատրաստած համարներով, որտեղ ներկայացնում էին հայկական մշակույթն ու արվեստը: Հագել էին հայկական տարազներ: Տիպիկ կերպարներով հանդես եկան հացթուխները` Թ. Գալստյանը և Ա. Պողոսյանը, իլիկով թել մանողները և հին հայկական խաղերը ներկայացնողները`Ա. Մարգարյանը, Ն. Դավթյանը, Մ. Համբարձումյանը, Լ. Հովսեփյանը և Տ. Զեյնալյանը:

28.05.2012թ.

28.05.2012թ

Բոլոր հյուրերին գրավեց հատկապես Կարաբալան`

Տ. Մկրտչյանը, որը ծաղիկներ էր բաժանում անցորդներին:

Այս ամենին լրացնում էին հին իրերն ու ցուցադրված ձեռքի աշխատանքները, որոնք ավելի պատկերավոր էին դարձնում հայկական կոլորիտը:

28.05.2012թ. Տ.Մկրտչյան

28.05.2012թ. Հ.Մարգարյան

Ռեպորտաժը և նկարները պատրաստել էր`
Անահիտ Մարգարյանը:

Մ.Անահիտ

28.05.2012թ

Գ.Տաթևիկ, Վ.Կառլեն, Հ.Գագիկ

Մայիսի 25-ին դպրոցում հնչեց

վերջին դասի վերջին զանգը :

25.05.2012թ

Անկասկած, բոլորի համար այս օրը չափազանց հիշարժան է և անմոռանալի:

25.05.2012

Ն.Մամաջանյան, Ա.Աղաբաբյան, Թ.Լենդրուշ

Սիրելի շրջանավարտներ,

Ընդունեք մեր ջերմ շնորհավորանքներն ու բարեմաղթանքները դպրոցում ուսումնառության Վերջին օրվա և Վերջին դասի կապակցությամբ:

Հեյֆեր կազմակերպության ԱՅՈ' մանկապատանեկան ակումբի Լուկաշին համայնքի ,,Պատանի հայորդիներ".

25.05.2012

Մայիսի 15-ին ընտանիքի օրն է:
Ընտանիք

Թամարա Գ.

Ամուր հիմքը մեր այս կյանքի
Ընտանիքն է եղել միշտ
Առանց նրա չկա երբեք
Անկեղծ, ուրախ, լաց ու ճիչ:
Թե չունենանք ընտանիք,
Ապա չունենք մենք   ոչինչ
Չնչին մարդ, գուցե դարդ
Դառնանք հողին մեր անգին:
Հայի համար սրբություն
Տունն է, օջախն հայկական
Եվ չի կարող հայ զավակը
Դառնալ օտար թափառական:
Եվ ահա մեր այս կյանքում
Ոչինչ ընծա չի մնում
Ցանկացած սկիզբ, իր վերջն է գտնում
Ու այս տխուր ցավոտ խավարում
Ընտանիքն է լույս դառնում:
                                                                              /Թամարա Գալստյան   10 դաս./


                                                                    Ընտանիք

Նելլի Մ.

Ընտանիքը մարդկանց ամենաթանկ գանձն է: Մարդն առանց իր ընտանիքի իրեն զգում է մենակ ու թույլ: Ընտանիքի հետ է որ կարող ես հասնել բոլոր բարձունքներին:Դրա համար պետք է իրար հետ անկեղծ լինել թե ընտանիքում թե աշխատանքում: Ընտանիք հասկացությունը առաջ է եկել դեռ միջնադարից: Մենք պետք է հարգենք մեր ընտանիքի անդամներին: Ընտանիքում պետք է միշտ տիրի սերն ու ջերմությունը,միասնությումը: Եվ այսօր ընտանիքին նվիրված օրը ցանկանում եմ բոլոր մարդկանց ընտանիքներում տիրի սեր ու երջանկություն, հավատարմություն և փոխադարձ վստահություն:

/Մկրտումյան Նելլի 7 դաս./

Մայիսի 9-ը Հաղթանակի օրն է

09.05.2012թ

Մայիսի 9-ին հայ ժողովուրդը տոնում է Հայրենական մեծ պատերազմում տարած հաղթանակի և Շուշիի ազատագրման օրերը։

09.05.2012թ

Այսօր մենք` Լուկաշին համայնքի ԱՅՈ'

09.05.2012թ.

մանկապատանեկան ակումբի սաները ,,Պատանի հայորդիներ"-ս և գյուղի համայնքը նշում ենք Հայրենական մեծ պատերազմում տարած հաղթանակի և Շուշիի ազատագրման օրերը։ Հայրենական մեծ պատերազմի ընթացքում հայ ժողովուրդը իր մեծ ներդրումն ունեցավ ու քաջաբար պայքարեց հանուն խաղաղության: Այդ ժամանակ նոր-նոր էր սկսել բարգավաճել երիտասարդ մեր Լուկաշին համայնքը /սովխոզը/, երբ պայթեց համաշխարհային Մեծ պատերազմը: Մեր սովխոզը նույնպես, ինչպես մեր երկրի բոլոր բնակավայրերը, խոշոր ավանդ ներդրեց հայրենական Մեծ պատերազմի տարիներին սովխոզի բանվոր-ծառայողներից 230-ը մեկնեցին ռազմաճակատ: Աշխատանքի ծանրությունը ամբողջովին ընկավ կանանց և անչափահաս երեխաների վրա: Սովխոզից ռազմաճակատ մեկնած ռազմիկներից շատերը փառքով պսակեցին հայրենի սովխոզի անունը և մեծ համբավ բերեցին նրան: Նրանցից նախկին բրիգադիր Հունան Ավետիսյանը արժանացավ Սովետական Միության հերոսի բարձր կոչմանը իր սխրագործությամբ: Աշխատավորությունը մեծ երախտագիտությամբ և սիրով կանգնեցրեց հերոսի արձանը, որպես փառքի օրինակ ներկա ու գալիք սերունդներին: Հայրենական պատերազմ մեկնած 230 ռազմիկներից հանուն հայրենիքի զոհվեցին 70-ը, իսկ վերադարձան 105-ը մարտական սխրագործությունների համար պարգևատրվել են ՍՍՀՄ շքանշաններով ու մեդալներով: Սովխոզի աշխատավորության շրջանում մեծ հարգանք էին վայելում հայրենական պատերազմի վետերաններ Գոհար Խաչատրյանը, Սերյոժա Մալխասյանը, Մարտիրոս Սարգսյանը և շատ ուրիշներ:

Սերյոժա Մալխասյան

Գոհար Խաչատրյան

Հայրենական պատերազմի հաղթական ավարտից հետո սովխոզի աշխատավորությունը նորից անցավ իր խաղաղ ստեղծագործական աշխատանքնին: Շատերս ենք հպարտանում մեր պապիկների հուշամեդալներով, որոնք նրանց քաջության ու հերոսության վկայությունն են: Այսօր նրանք բոլորի ուշադրության կենտրոնում են, և երևի հիմա կրկին ընկել են հուշերի գիրկն ու երանությամբ հիշում են հաղթանակի օրերը: Փորձենք մենք էլ այսօր կիսել նրանց երջանկությունը և հոգատար վերաբերմունք ու ջերմություն տանք ամեն օր ու ամեն վայրկյան:

09.05.2012թ.

1992-թ. –ին երբ աշխարհը նշում էր Հայրենական պատերազմի հաղթանակի օրը, մեր օրացույցում մայիսի 9-ը նշանավորվեց նոր հաղթանակով: Մայիսի 8-9-ը բեկումնային օրեր եղան Արցախյան ազատագրական պայքարի համար: Մայիսի 8-ին կանխորոշվեց հայոց բերդաքաղաքի՝ Շուշիի ազատագրմանն ուղղված ռազմական գործողությունների ելքը, որոնք ղեկավարում էր ինքնապաշտպանության ուժերի հրամանատար Արկադի Տեր-Թադևոսյանը` Կոմանդոսը: Նրա հեղինակած «Հարսանիք լեռներում» օպերացիան սկսվեց մայիսի 8-ին և ավարտվեց մայիսի 9-ի լուսաբացին: Քսանվեց ժամ տևած օպերացիայի արդյունքում հայկական կողմը տվեց 58, իսկ

09.05.201

ադրբեջանականը՝ 200 զոհ։
Շուշիի ազատագրումը բեկումնային էր Ղարաբաղյան պատերազմի համար, քանի որն հենց Շուշիից էին ադրբեջանցիները գնդակածում Ստեփանակերտն ու մերձակա գյուղերը: Չնայած հակառակորդի գերակշռող ուժին, հայ հերոսների արիության և փայլուն մարտունակության շնորհիվ, մայիսի 9-ին Շուշին վերջնականապես ազատագրվեց, ինչը թույլ տվեց վերադարձնել հայրենի հողը և շարժվել առաջ: Հայ մարտիկները ևս մեկ անգամ ապացուցեցին, որ պատրաստ են և կարող են պաշտպանել մեր ազատությունն ու անկախությունը:

09.05.2012թ

Մենք հաղթանակներ տարած ազգ ենք, ինչի շնորհիվ այսօր կանք և կայացած ենք որպես ազգ, շնորհավոր մեզ մեր հաղթանակների համար։ Շնորհավոր ազգային ինքնության տոնի կապակցությամբ։ Կեցցե Մայիսի 9-ը՝ մեր պապերի և տատերի հաղթանակի օրը, կեցցե մեր ծնողների հաղթանակի օրը, ԿԵՑՑԵ մեր հաղթանակի օրը։


Վիկտորյա Հ.

Կարեն Դ. և Միշա Կ.

նկարները տրամադրեցին`

Կարեն Դավթյանը և Միշա Կոստանյանը /10դաս/

Ռեպորտաժը պատրաստել էր Վիկտորյա Հարությունյանը /7դաս/

Մայիսի 9-ը

Տարոն Մկրտչյան /9դաս/

Ամենքիս համար, հայտնի է անչափ մայիսի 9-ը,

Մեծերի համար Հայրենականի, մեծ հաղթանակը,

Իսկ կրտսերներին միավորում է վառ Արցախյանը,


Տարոն Մ. 11.05.2012	.

Երկու դեպքում էլ առկա է մեր հաղթանակը:

Մեր թշնամին էր մերթ գերմանացին,

Իսկ հետո արդեն ադրբեջանցին,

Գերմանացին պարտվեց մեզ ու ԽՍՀՄ-ին,

Ադրբեջանին հաղթեց վեհ Հայը ու Ղարաբաղցին:

Ինձ տես նոր անցիր

Տարոն Մկրտչյան /9դաս/

Փառքի ճամփով եմ անցել

Ես Հայրենականի

Եվ կռվել եմ ու մարտնչել

Մարտում Արցախի և Հայաստանի

Սակայն դու ինձ չես նկատում ու տեսնում

Դու իմ կողքով, առանց ճանաչել ես անցնում

Դու չգիտեիր՞ հիմա գիտես, պարտք մի մնա վճարիր

Չես վճարում, գոնե ինձ տես ու նոր անցիր:

Այսօր` մայիսի 3-ին, արևի միջազգային օրն է:

02.05.2012թ.

Արևը երբեք հավերժ չի գնում, իսկ գիշերն էլ երբեք հավերժ չի տևում։ Չէ՞ որ արևը քաջ գիտակցում է, որ կյանք է տալիս, ջերմություն ու սեր։ Այն չի կարող գնալ ու չգալ, չէ՞ որ երկիրը առանց նրա չի կարող, չէ՞ որ Լուսինը առանց նրա չի կարող։ Արևը գնում է հանգստանալու, որ երկիրն ու լուսինը ավելի լավ հասկանան արևի դերը, նրան կարոտեն, կարոտեն նրա տված ջերմությունն ու կյանքը, իսկ գալուստը նրա ընդունեն ժպիտով ու նոր կյանքի, նոր օրվա, նոր ուժերի թարմ զգացումով։ Արևի գալուստն է բերում նորի, ապագայի, պայծառ ու լուսավոր ապագայի գիտակցումն ու ակնկալիքը, իսկ գիշերը ժամանակն է հանգստանալու, գիտակցելու արևի դերն ու նրան կարոտելու։

Մերի Հ.

Լուսինը Արևի գնալուց հետո սառում է, իրեն անկախ զգում՝ տեր ու տիրական, սակայն գիշերվա ժամերը դանդաղ հաջորդում են իրար, լուսնի լույսը դանդաղ թուլանում է, ջերմություննու ուժը կամաց պակասում, նա սկսում է անհամբեր ու մեծ սպասումով սպասել Արևին, որ ջերմանանրա ճառագայթներից ու նորից ժպտա՝ թաքնվելով նրա լույսի ներքո։
Գարուն է, ժամանակն է, որ Արևն իր տեղը վերադառնա։ Գիշերը կարծես թե շատ երկարեց:Սիրում եմ քեզ արև քո ջերմությունն ու շունչը:Վերջապես կարող եմ դուրս գալ ու գոռալ արևը իմ կյանքն է:
Մերի Համբարձումյան

Արև

Տարրերից ես դու բնության

Պայծառ արև’, վառ արև’

Առանց քեզ կյանք չկա այստեղ

Դու ես կյանքն արև’:

Ամեն շողդ մի նոր կյանքի

Արշալույս է մեզ պայցառ

Ամեն օրը քեզնով լեցուն

Ապագա է մեզ համար:

Դու ես տալիս մեր դեմքերին

Անհոգ ժպիտ, դուրեկան,

Եվ պարուրում հոգիներս`

Բարությունով անսահման:

02.05.2012թ.նկարները տրամադրեց Վիկտորյա Հարությունյանը

Թե չլիներ քո շողերը,

Ինչո°վ պիտի գոհանայինք

Գիշերային ցուրտ խավարը

Ինչո°վ պիտի մոռանայինք:

Թամարա Գալստյան

Երկրի համար արևը հզոր էներգիայի աղբյուր է: Արևը լույս և ջերմություն է տալիս Երկրին:

Լուկաշին համայնքի 87 ամյակը
26.04.2012թ.

/Գյուղի հիմնադրման օրը/